غَـــــــــــرَبت بعيونهم

وإنا شمس
وصارت الفركَة مآسي
وبيه أحس
وغَيبتك مرمرت
حالي شرد اكَول
وغَّصة الخذلان

تحبس كل نفس
انا علمته العشكـَ

يعني الوفاء
نطيته مفهوم ألوفه

بصيغة درس
انطي ومجازاتي
بس نوح ونين
منين أجيب أحساس

للي ما يحس
وياي كَاضيها مآسي
ومن زمان
ويه غيري يعيش

دنياه بعرس
وي غيري ناعم

يعيش بوداد
وطبعه بس وياي
منبوذ وشرس
والسبب سوء اختياري
من هويت
جان هاوي الغير

شتله ومنغرس
جسم يمي حاضر

ومن غير روح
منين أترجه ألوفه

وحضي نحس

تحياتي
أنا أخوكم
قاسم البهادلي

الموضوع الأصلي: غَـــــــــــرَبت بعيونهم وإنا شمس || الكاتب: قاسم البهادلي || المصدر: مملكة السلطانة شهرزاد

المصدر: منتديات شهرزاد الادبية - من قسم: شعر شعبي