لان غالي حبيبي.. حصري

من تكتب كحل بيها الكتابه اتصير
ومشيك ع السطر يشعل الف حسره
يا قلمك شعر من اكتب انه وياك
بترافه وشوك يحتار الكلب بامره
احس حرفك ظفيرة وبين اديه اتصير
واسحبها غفل وانت ولا تدره
تحجي براحتك وتاشر على الروح
جنك كمر مخفي وطلع من خدره
هاك اسمع حسرتي عليك يابن الناس
شوكت نكعد انا وياك والعشرة
اذكرك بالوعود ...وشاهده الايام
ضمينه العهد وي محبسك شذره
اعاين للاصابع ماكو محبس دوم
بس حلقت عرس بالايد مختصره
جدح دمع العيون وخضرن حسرات
وتمنيت العرس بس انا والشكره
اكتب يالحبيب وغير الافعال
القواعد ما تجي وياك بالمره
انت كتاب عندي وطبعتك بالروح
واشحد المطابع تاخذ الشهره
امفصلك على سطوري وحصري بس وياك
وذا زايد سطر ما ننطي من سعره
لان غالي حبيبي وكلشي يغله وياه

مثل فرق الظلام وليلة الكمره.




//الوافي//






.

الشاعرعامرالعراقي ,كاريزما ,مجيد السيد ,عشق ,قاسم البهادلي ,اللحن الاخير و 1 آخرون معجبون بهذا

الملكة شهر زاد

الموضوع الأصلي: لان غالي حبيبي.. حصري || الكاتب: الوافي || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: شعر شعبي

---

ghk yhgd pfdfd>> pwvd