يا وسفة ضاع الصدك

ياوسفة ضاع الوفة
وياحيف ضاع الصدك
نيران ريح الغدر
حركت أكليبي حرك
من يوم عني رحت
أبكلبي شبت نار
معروف طبع الورد
ماتلكه عنده اسرار
الناس تتغرب وطن
وانه متغرب عشك
ياوسفة ضاع الوفة
وياحيف ضاع الصدك
....................
ياوسفة جبنه العمر
فركه وألم ودموع
ومايوم ضكنه الفرح
وبينه الحزن مزروع
ملعون هذا الوكت
رخص حياة العز
ومحجوز ثوب المرح
للكضه عمره يهز
تمطر عليه دنيتي
تمطر مصايب رشك
ياوسفة ضاع الوفة
ياحيف ضاع الصدك
.....................
ياناس ليش العشك ؟؟
نكضيه هم وغم
وما ادري عندي ذنب ؟
ومطلوب ثار ودم
كلما أريد الكرب
تختار درب البعد
وكلما أريد انتعش
يكتلني هجرك عمد
وسفة النحبهم طغوا
وحركونه عمدا حرك
ياوسفة ضاع الوفة
وياحيف ضاع الصدك
الناس تتغرب وطن
وانه متغرب عشك
بقلمي
مجيد السيد

اكرم القائد ,قاسم البهادلي ,أنانا ,الوافي ,الكابتن ,اثير حلم و 1 آخرون معجبون بهذا

السنونوه

الموضوع الأصلي: يا وسفة ضاع الصدك || الكاتب: مجيد السيد || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: مملكة منابر الشعر- الفصيح والعامي

---

dh ,stm qhu hgw];