حزنان

حزنان ؟؟
اي حزنان
وحق كل حرف بالقراءن
اي حزنان
وحق عيسى ابن مريم
وسورة الدخان
اي حزنان
لان شفت الورد
ينذبح بالليل
ويموت ع الجدران
ولان شفت البلابل
تعشك صهيل الخيل
وتقلد الغربان
ولان شفت البشر
عافوا اصول الدين
وعبدو الشيطان
اي حزنان
من شفت العساكر
ترجف كتلهه الخوف
وتركت الميدان
اي حزنان
من شفت الشيوخ
بلاسبب تنهان
اي حزنان
صلف هذا الوكت
غير موازين العكل
شيخ الرعيان !!
اي حزنان
بس تردون الصدك ؟؟
والله ماندمان
من شفت الزلم
رجفت حته الموت
وطبع بيها الزلم
اتصول بالميدان
ومن شفت الغني
وي الفقير يطيح
وعلى ظهر الموت
تتسابك الشجعان
ومن شفت الشمس
زاحت ظلام الليل
و بحب الوطن
امتزجت الالوان
ماندمان
من شفت الوطن
ضمد اجروح البيه
ويصرخ بعالي الصوت
كلنه اخوان
احنه اخوان
كلنه اخوان
بقلمي
مجيد السيد

كاريزما ,الوافي ,ريماس ,عشق ,اثير حلم ,السنونوه معجبون بهذا

الموضوع الأصلي: حزنان || الكاتب: مجيد السيد || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: مملكة منابر الشعر- الفصيح والعامي

---

p.khk