شفنة

ابيا عقيدة الشرف ينباع
وبيا زمان الهور
يتنكر المايه
وبيا شريعة الابن
يتقدم اعلى الابو
وحجايته حجايه
وبيا زمان اللحن
يتكبر اعلى الشعر
ويغار من نايه
شفنة حقيقة مو حلم
تتذابح اطفال وزلم
علشدة الرايه
وشفنة رجال تخنثت
ماعدهة بس كال وكلت
وللنار شرايه
وشفنة رجال تفوت
بنص الرصاص وماتموت
وتموت بحجايه
وشفنة يتامى الناس ربتهه
واليتيم بعين من رباه
يصير سلايه
وشفنة يامة ناس
تعتدي اعلى الجار
وهية النوب شجايه
وشفنة وشفنة
والله يعلم بعد شنشوف
شفنة بلاوي هوايه
يازمان الحزن
لمتة ظلامك ينتهي
وتضوي الولايه
وياشهيد القدس
الجنة صارت الك
هنيالك بهايه
وذولة حكام العرب
لوثوا اسم العرب
بلحجي رمايه
متهمهم ارض القدس
وصاروا عبد للاجنبي
والكرسي هو الغايه
بقلمي
مجيد السيد

اثير حلم ,قاسم البهادلي ,السنونوه ,الوافي ,عشق معجبون بهذا

الموضوع الأصلي: شفنة || الكاتب: مجيد السيد || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: مملكه نبض ابداع الاعضاء المنسوبه لهم (المنشور سابقا)

---

atkm