خلينا اصحاب

خلينة اصحاب نفتح للضحكة شباك وباب

نسولف عن غربتنة مانتفارك ومنكول احنه احباب

حبك سر بكلبي جويته ردته يتوب وما تاب

مو بيدي انت اقرب من أنفاسي وبعيوني اكتاب

اقراك بكل لحظة وتضحك صوتك غنوة
وشهكات انفاسك رضاب
انت الكمر البيه اتغزل
انت البحر البيه اتأمل
انت العسل انت ماجنك مخلوق من اتراب
خلينه اصحاب
من نتقابل عيونك تبحر بعيوني
وروحك تتسلق ع ضلوعي ياس ولبلاب
من نتقابل تاخذني بأحضانكِ ما صرنة بيوم اغراب
من نجوع ناكل خبز القدرة
ومن نعطش تسكيني شفافك خمرة
وأسكيك من شفافي العناب
خلينه اصحاب
لا تزعل لو اتغزل بعيونك هي عيونك بيها سيوف ونشاب
لاتزعل لو اتغزل بشفافك هي شفافك جوري الحلة
ولالنكي ديالى تمر البصرة وعنبر مشخاب
لا تزعل لو كتلك في صدرك دجلة وخدوك تفاح ملون
تتقاتل من اجلة احزاب
خلينه اصحاب

علي

شاعر مجنون

زهراء دياب ,السنونوه ,اثير حلم ,جوهرة ,الملكة شهر زاد ,جنة الروح و 2 آخرون معجبون بهذا

شيلان ,يمام

الموضوع الأصلي: خلينا اصحاب || الكاتب: شاعر مجنون || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: شعر شعبي

---

ogdkh hwphf