يطيب لي اكتب بعض العبارات
مغلفة بالورد لسيد الغنادير
الكاتب اللي في كلامه مساحات
يبري العليل اللي دمعه اغادير
فكره كتب واشغل الناس بسكات
سيد الصبايا من بنات المناعير
ياشبه ريمن ينعش النفس يافات
عليه مردود النقا ذود ومغاتير
ياجنةاسمك قد تفوق مسافات
غزلان تيما خوفتها المحاذير
في روضة الالابداع ارض الحضارات
مسكنك ياجنة وسط النواوير
مهرة اصيله تقدم لسرب الغزوات
تصول بالفارس على صفوف المسامير
يارب تحفظها من شر الايذاءات
وتبقى لنا جنة في صف الاساطير
ننهل ثقافة وعلم من فكرها لياجات
توزع علينا المسك وشتل النواوير
ياجنة الروح في خيالي لك اقامات
انهض ليا جاء اسمك واكتب تقارير
فعلك سنا للروح حسب الروايات
وحسنك تفوق على من تحط المناكير
ياجنة الروح قربك ياتي بالمسرات
وبالبعد عنك نفقد وجووه مسافير
كوني كماتبغين يابنت البشاوات
اوبنت شيخن يحمي تالي المظاهير
ياجنة الروح عذرا ان نسينا لك صفات
نلتمس منك قبول صدق المعاذير


تحياتي

بقلمي