السلام عليكم ورحمة الله وبركاته

القصة حقيقية لرجل شايب من شمال المملكة كان فقيراً
لا يملك من حطام الدنيا شيئاً .

وفي سنة من السنين ، خيم فيها الأمير سلطان بن عبدالعزيز
رحمه الله في الحدود الشمالية .

ألَّفَ الرجل قصيدة من أربعين بيت وذهب للأمير .
وقبل الدخول عليه سأله أحد الضباط وش عندك ، قال أبغى
الأمير . قاله عندك موعد معه ، قال ماعندي غير هالقصيدة .
اطلع الضابط عليها وقاله أبشر لكن القصيدة طويلة وزي
ما تشوف الزوار كثيرين والأمير مشغول ولابد تختصرها

إختصرها الشايب في كم بيت وكان آخر واحد دخل .

المهم دخل على الأمير وكان الأمير مشغول بأوراق قدامه .

قال الشايب :
يامطر ، ما انتبه له الأمير . أعاد يامطر ألتفت عليه الأمير .
قال :

يامطر جيتك وأنا قطرة أمويه
ويا بحـر جيتك وأنا جال النهـر

سيــدي سلطـان يالحــر النزيــه
عندي سؤالٍ حيرن طول الدهر

الرجل لامن ضاقت الدنيا عليه
هو يزبنك والا يمـوت من القهـر

قام الأمير سلطان رحمه الله وجلس ، وقاله تعال ياولد
أنت وش اللي مضيق عليك . قول وش اللي تبيه من الدنيا .

قال : الرجل أبد مابي إلا بيتٍ لي ولعيالي ودينٍ علي تقضيه .

قال الأمير :
دينك مقضي والبيت وجاك ، ولك شرهه سنوية تأخذها
مني انت والا عيالك سنوياً

رحم الله الجميع