مـاعـرف وش عـطيته

للحين / وجهي منكسر في مراياهـ !
للحين / اذكر كيف ضقت وبكيته !
قبل الحنين يجيب دمعي من اقصاهـ
اخذت .. دمعي في يديني وجيته !
جيت المكان اللي شهد يوم فرقاهـ
معي كلام ( يموت بي ماحكيته ) !
كني طفل راجع لحضنه ومربآهـ !
يدوّر .. امّه بين ( حيّه وميته ) !
محروم .. الا من جروحه وذكراهـ !
( فقير ) الا من شموخه وصيته !
من يومها وانا ادوّر على اشباهـ !
ترد لي عمراً قضى , ما ابتديته !
ياكثر مافيني من الضيق وال ( آهـ )
اكثر من الحرمان , لامن طريته !
كثر الحزن اللي سكن في هداياهـ !
كثر الأمل ( لاقلت بأني لقيته ) !
رغم ( السنين ) اللي مضت اتحراهـ
عجزت اقول اني [ كبرت ونسيته ] !
مديت له قلبي .. وروّح وخلاهـ
الظاهر انه : ماعرف وش عطيته !

اسيرة الماضي ,فيصل ,الوافي معجبون بهذا

الموضوع الأصلي: مـاعـرف وش عـطيته || الكاتب: الحزن الانيق || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: مملكة شهرزاد نثر وخواطر

---

lJhuJvt ,a uJ'dji