بي حيل

بي حيل .. ولابس همومي حرير
بي شهكه وكلبي ما يحمل زغير
يفزن ابالي سوالف
جنها من ذاك الوكت تهوى المحبه
ولحظه لحظه.. نهدي بيها
اليوم لمه وباجر اموادع ولاواحد.. شلع
وباجر تغيم هجر.. شنهو المصير
ومزنه تنحب يمته يرجع
مكسرة بصدري المحنه
ويمته تطلع
وبين روحك والكلب شبخة محب
كون تصفالي الليالي
واجمع احبابي على داير نخب
وكاس كاس يدور مابين الشفايف
مشتهى وجوعان وبصفه الرطب
حلوه ذيج اوجوهكم.. وتندي شوك
ماتدوم الكعده عندنا
وانصدمنه بحوبة الايام
ورزنامة عشك مهجورة تندب
واليجيها بلا نبض اعذاره كلفه
مستحه الدنيه بوجنتك لو تمر
عيوني مشتاقه على طولك
ارد اصيرن مشط وبليلك انام
وذا سالو كول هداه التعب
طاوعت روحي واجيتك
وادري بالدنيه وكيحه.. وعين صلفه
شفنه من عده العجب
تفيض غربة وشوك بعيون الحمام
وتفرد الخلان ماكو كل سبب.


//حصري//

كل الحلا ,حيال محمد الأسدي ,اثير حلم ,أنانا معجبون بهذا

الموضوع الأصلي: بي حيل || الكاتب: الوافي || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: شعر شعبي

---

fd pdg