فريد في الهوى نوعي

السلام عليكم ورحمة الله وبركاته

تحيه طيبه لزوار الحرف وجموعي




ما بين الضحكه والضحكه
أميال صمتي ودموعي

حياه ما باين لها سكه
ما بين مرواحي ورجوعي

سنين العمر بتعدي
بتجري ولا بتهدي
مش فارقه كتير عندي
ولا هي اساس لموضوعي

طريقي رسمته فى احلامي
وخطاوي مشيتها فى ايامي
وهيفضل حلمي قدامي
راسمه فى قلبي وضلوعي

عدي يا هوى عدي
وسيب لي حلمي علي قدي
دا لسه فى الحياه وردي
بسقيه والصبر ينبوعي

لسه فى الحياه لسه
قلوبنا بالهوى حاسه
خليني يا ضحكتي أنسى
دموع كسري وخضوعي

ايوه انا اللي كنت زمان
مليان فى الهوى احزان
وأماني فى الليالي كان
في عز ضلمتي شموعي

مبقتش من الليالي بخاف
ولو حتى القمر خواف
ولا بان فى السما واتشاف
كفايه فى الهوى سطوعي

كفايه ان انا انسان
عشت فى الهوى حرمان
وقابلته بضحكة الاحسان
وفريد فى الهوى نوعي



22 سبتمبر 2018
ياسر ابراهيم خليفه

زهراء دياب ,العزوف ,الوافي معجبون بهذا

الموضوع الأصلي: فريد في الهوى نوعي || الكاتب: بكاء بلادموع || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: نبض الخواطر/ النصوص الحصريه بقلم العضو يمنع المنقول

---

tvd] td hgi,n k,ud