ياسامعٍ قولي عسى الله يسعدك

ياسامعٍ قولي عسى الله يسعدك
عسى الولي يكفيك شر المصايب

اسمع كلامي زين لو كنت ماقصدك
بعطيك موجز فيه درس وغرايب

الموت لو قفيت تلقاه يطردك
ولابد ماتركز عليك النصايب

بالاخره مافيه شيٍ يساعدك
الا رضى ربك وفعلك سبايب

نفسك هواها يم الاخطار يوردك
لاصرت تتبعها بلايا حسايب

حاسب ضميرك واذكر اللي يشاهدك
الواحد القهار منش السحايب

من شان دينك جاهد اللي يجاهدك
الماكر الغدار ساس النشايب

ابليس بالتظيل والكذب يوعدك
ويترك في يومٍ تضيع القرايب

سود الليالي لوصفت لك تعاندك
وان طال عمرك شفت فيها عجايب

ماينفعك لاحتجت ياكود ساعدك
وجيبك يفكك من كثير الطلايب

ان فاض مالك نايد الخلق تاردك
وان قل مالك قالو الناس عايب

لاذاع صيتك قاصر الباع يحسدك
ويفرح بفعلك عزوتك والحبايب

من لاعرف قدرك لياغبت يفقدك
ويبكيك لاصكت عليه النوايب

اعرض عن اللي في كلامك يراددك
حتى ولو في هرجتك كنت صايب

واعرف كلام الناس ماهوب زايدك
الهرج ماينقص عطيب الضرايب

اسمع كلامي زين لو كنت ماقصدك
ترا كلامي فيه درس وغرايب


لـ عبدالله مرزوق المرشدي

الموضوع الأصلي: ياسامعٍ قولي عسى الله يسعدك || الكاتب: الوافي || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: مملكة شهرزاد نثر وخواطر

---

dhshluS r,gd usn hggi dsu];