هاجسي

يا حرف سجل هاجسي

تبعثر التفكير في ليل ...........مشتاه
مطولك ياليل هجوسه .........هبايب

يا حرف سجل هاجسي قبل....لنساه
أوقد من هجوس المعاني ...حطايب

جدف بقيفان الشعر بحر...... الأمواه
لتهمك أمواج بها الملح ........ذايب

الفلك تجري بك إلى شط ......مرساه
فلك الهجوس اللي وتدها..... طنايب

وارسم على وجه الزمن عين.... وشفاه
إنثر من مزون المدامع .........صبايب

يا وقت وشبك كل ماجيت...... أبلقاه
حطيت في دربه ظروف .....وصعايب

ويا وقت وشبك كل ما جيت... أبنساه
جبته مع أشواقه ضيوف .....وحبايب

إحترت في خطوات الأشواق .....وياه
اليا متى يا حبنا وأنت.............غايب

أجيك تبعد؟ فيك الإحساس ما أقساه
وأغيب يدعيني بك الشوق .....ذايب

تقول وينك ؟ جتك الأشواق...بقصاه
والشوق يكبر في وصال ......القرايب

لملمت جرحي بعد مابعدك.....أدماه
وضميتني ضم الهواء.........للسحايب

ونفثت بي سحر الهوى ........والمعاناه
وتمتمت بعقود تهد ...........النجايب

طلاسمك بحبال الأفكار ..........مقواه
وصورتك صارت في عيوني....هدايب

أضحيت أشوف الناس شخصك ولاماه
وأشوف بعيونك بلاد ...........العجايب

وأشتاق لك لاعسعس الليل......بمساه
وأحن لك وتشب فيني ............لهايب

صوبتني في مقتل زان ..............مرماه
شربكتني وأقفيت عطني .........سبايب

تلعب بقلبي ليه ؟ ما تسمع .......الآه
ما تدري إن جروح صدك ......عطايب

ياللي إذا ناديتني قلت لك ..........هاه
آمر تدلل لك جميع.............الطلايب

ليه التغلي منك ؟ من قلبك......أعماه

من كدر أنهار الوصل ...........بالشوايب

وين الغرام اللي على خدك .........أقراه

ياللي ترجعني ليا رحت ..............تايب

ويش النهايه معك ؟ ياحب.........أهواه

والله كل اللي أشوفه ................غرايب

يالله تنسيني هوى الحب .............يالله
اللي مسبب لي عذاب .........ومصايب​

الوافي ,هذيان عاشق معجبون بهذا

الموضوع الأصلي: يا حرف سجل هاجسي || الكاتب: قصايد || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: مملكة منابر الشعر- الفصيح والعامي

---

dh pvt s[g ih[sd