04-08-2019
|
#2
|
ياقلب اصحا يجي لك النسيان
بالك على الميله ترخي حباله
نطيت ناب طويق حزت مسيان
ماشفت غير المجتهد يرتب اعماله
والا الكسول الخادرن في ذرى الاوطان
ياخذ رواتب وهو يجلس مع عياله
ودي بكسبي اصير كما الذيب سرحان
مايطلب العونه من اللي يبخل بماله
وارقى سنود شامخ كني الشيهان
ماتردني بقعا ولاعن حايل جباله
خطوة بطيه مشيتي واسرع احيان
اخاف لا تسبقني زحول الشكاله
ياونتي ونة ثقيلين الاوزان
في روضتن تكثر عنود الغزالة
واسلك شطحات الرواية لي ازمان
اراء اكتبها بفكري بلب المقالة
ياليت فكر الضد يكتب بعنوان
يغدي عربنا يفهمون الرسالة
ماظنتي
بقلمي
|
|
|
|
|