عالشفة/بقلمي

شفة عالشفة/بقلمي

شفة عالشفة


طحت كلش بموتة وابد ماحسيت
من حطت السمرة حمرة عالشفة

للانعاش ودوني بخطر حالي
وكل شوية من غرفة الى غرفة

احتاروا بية اهل الطب
كالوا للاسف مسكين مايشفة

ومن شافوها كالوا يمكن يطيب
اذا قبلت السمرة بشفة عالشفة

واذا قبلت حضنها يصير مدفاي
وبحجة مريض وعالصدر اغفة

واشاكسها وعلاجي تصير وارتاح
وعسى نور الشمس يم الحضن يطفة

وصفوها الي مصيوب بالداي
ومايرهم العلتي غير هالوصفة

مسودني عشكها السمرة شعلة نار
اذا وكفتلي ابد ماانسة هالوكفة

ويضل دين بركبتي لحد ماموت
كون الموتة ترهم شفة عالشفة


بقلمي
عامر العراقي

نبراس القلم ,روح المسك ,حبي ركاده ,الوافي ,علي الجعفري ,الملكة شهر زاد معجبون بهذا

الموضوع الأصلي: شفة عالشفة/بقلمي || الكاتب: الشاعرعامرالعراقي || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: شعر شعبي

---

atm uhgatmLfrgld