انجلش

انجلش كيك

الكمية تكفي
8 فرد
وقت التحضير
30 دقيقه
وقت الطهي
60 دقيقه
المقادير
-2 كوب دقيق (منخول كويس مع معلقتين بيكنج بودر )
-4بيضات
-5معالق زبده(بدرجه حراره الغرفه)
-فانيليا (لكل بيضه ظرف فانيليا)
-فواكه مجففه انا استخدمت مشمش مجفف وخلطته بشويه دقيق وبعدين نفضته (ويمكن الاستغناء عنها لو بتحبيها ساده)
3/4 كوب سكر بودره وتعايرى السكر قبل ماتطحنيه
التحضير
تشغيل الفرن
تجهيز القالب
الطهى
-اول حاجه بنضرب الزبده مع السكر لغايه ماتبقى كريميه الشكل
-وبعدين نضيف الفانيليا
ونضيف بيضه ونضرب وهكذا لغايه مانخلص الـ4 بيضات
ملحوظه
ممنوع اضافه اى سوائل نهائى
-نخلض نص كميه الفواكه المجففه مع الدقيق ونضيفه ع الخليط شويه بشويه ونقلب بالمعلقه
(ممكن اضافه زبيب كمان لو تحبى مع المشمش وبرضه تحطيه فى دقيق وبعدين تنفضيه)
قوام خليط الكيك هو تقيل شويه عن اى قوام كيك تانى متقلقيش
-بحضر قالب الانجلش كيك وادهنه زيت وارش عليه دقيق وابتدى احط نص خليط الكيك وبعدين ارش شويه من الفواكه المجففه فى النص علشان اتاكد انها متنزلش القاع .وبعدين نضيف باقى كميه الكيك وتدخل ع فرن ساخن على درجه حراره 180 واول ماتستوى شغلى الشوايه عليها تاخد لون
ووقت التسويه بيبقى ع حسب فرنك بس هى هتتراوح بين ساعه الا ربع او ساعه تمام
لازم بعد ماتطلع من الفرن نسيبها ترتاح شويه وبعدين نغلفها بورق فويل او بلاستيك استرتش ونسيبها فى التلاجه حوالى 8 ساعات او يوم كامل يعنى ممكن تعمليها من بليل وتاكليها تانى يوم
- علشان تتقطع معاكى قطع ومتتفرفتش منك
-ثانيا كل مابتقعد فى التلاجه اكتر كل مابتديكى نتيجه احلى وطعم يجنن
بجد ماشاء الله تجنن وطعمها زى الانجلش كيك اللى بنشتريها من برا
بتاكليها مع مج نسكافيه معتبر واو
او تقدميها لضيوفك بتبقى شيك اووى وطعمها يجنن

الوافي ,الشاعر مناضل الناصر ,صدى الحرمان معجبون بهذا

الموضوع الأصلي: انجلش كيك || الكاتب: دموع القمر || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: مطبخ شهر زاد

---

hk[ga ;d;