اخذني , تعال , وياك

تعال وياك اخذني

تعال وياك اخذني ومانريد انضل
اشوف شما اقنع الروح ماتقبل


بعد هذا العشك بعيونك المفضوح
شضم وشعتذر للناس واليسال


محد بينه داري من نحب بسكوت
ونشد اعتابنه على الخصر ما ينفل


تعبنه الوكت والفركه بينه ادوس
يا ساعه اشوفك وانت بيا تهل


مجروحين خلصنه العشك لجمات
ايدك من تسجل خطاء انه اجفل


وكولن ليش حبي قاسي حيل وياي
يحكم من بعيد وكلبي يتحمل


اسامح كلشي منك جاي واتلكاه
وبوسن مكبله لوجايني يقتل


اعلمك ع المحبه خطوه خطوه وياي
خل نبدي الغزل بعدين نتحول


صدكني التجارب بيه دوخة راس
وانت اول عشك ماشاف وتخبل


ما اختار غيرك يالرحت لبعيد
اشوف الدنيه بيك وبيا ماتندل


دليني على كلبك ارد اعد نبضات
وافضحك بالفرق من نبضي لا تزعل


شنهو اختار ما اختار يالمختار
منو غيرك؟ سجني بشوكه وتكفل


احبك يالدفنت العتب كله وياك
واكولن ما يهم لو راد.. يدلل.




الوااافي

يّےـقَےـيّےـنٌےـ ,الملكة شهر زاد ,الشاعر مناضل الناصر ,عهود منسية ,صدى الحرمان معجبون بهذا

الموضوع الأصلي: تعال وياك اخذني || الكاتب: الوافي || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: شعر شعبي

---

juhg ,dh; ho`kd juhg