لا زلتُ في وجع ٍ ..
يُمسّدُ خاصرَ الأيام ِ ..
يقتلني بـ بطءٍ ..
إن حبكـِ في ضلوعي :
قد ترتـّبَ كـ السجع ..!
فكـر شويـة تـرى هالحـال عقـدنـي
من زود همّي طلبتـك لـذة اشفاقـك ..!
لـو ادري انّ المـزح بفراقـك بيبعدنـي
ما كان قلته ؛ ولا ازْعـل يـوم خفّاقـك
والله بعـادك عـن احـداقـي مجنـنـي
ومقـدر أكمـل حياتـي غيـر باحداقـك
أعرف هواك اللي على قلبـي يسابقنـي
والقلب يبطي ؛ يبيك تفـوز بسباقـك ..!
متى تحسّ انك عَلـيْ غالـي وتسعدنـي
واشعر بدوري مـن انفاسـك بأشواقـك
اسمع كلامك ؛ واحسّ البحر فـي أذنـي
واضمّ جوالي : تقل ناوي على اغراقك ..!
المـوت بَعـدك تـرى والله بياخـذنـي
وانا من غروبـك أدوّر لحظـة اشراقـك
فكـرة أهَلْـكْ اللـي يحيطونـك تعذبنـي
واسمع : تراني أبي أغتـال سواقـك ..!
انت الوحيد اللي علـى كيفـه يسيّرنـي
والمعجزة : كل شي في هالكون ما اعاقك
إن متّ ؛ يعني : تجيني انتـه وتنقذنـي
ويزيد عُمري - بعكس النقص - بفراقـك
حتى بقبري ؛ أحـسّ الشـوق يوقظنـي
يهتز كنه يقول : [ الـللله ] أشتاقـك ..!
ماجد عبد الرحمن