الحروف , حصري

طفح غيض الحروف حصري

طفح غيض الحروف وبطل البوح
على صافي العشك من صار مسموح
كل قطرة حبر من حرفك ارماح
وهسه اكتاب حبك صار مشروح
انا كتلك احبك ..عندي قانون
اذا راد الكلب ورّد بالسفوح
زرعت وياك طيبة جسد واحساس
صادرت الاحساس وجسد مجروح
توزع حبك على الناس سايات
مثل كوبي ولصق للحصري ميلوح
غضيت النظر عن بعض الاطباع
وكولن موقف الكلفات ميروح
انتخم بطن الجذب من كثر الاعذار
جم مرة الزمك كلت ملحوح
علمني هواك ايطيح ويكوم
ورفعك علم.. هم تنباع مطروح
انا الحبيتهم جازوني وزود
ما ينشاف حبهم بس الي يلوح
حطو ع الوجه كمام وكفوف
وعلى طاري الحجر حجرو على الروح
صحيح انت اتعبت وياي بالشوك
هاي اطباع عد كل حلو مملوح.


//الوافي//


.

مناضل الناصر ,عزف الحروف ,ساندرا ,اثير حلم معجبون بهذا

الموضوع الأصلي: طفح غيض الحروف حصري || الكاتب: الوافي || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: شعر شعبي

---

'tp ydq hgpv,t pwvd