قاضي المحبة

مترهي * تسولف على الجرى عليه

وانه المگطوع گلبي عليك يوميه

أغنيلك غناوي متيم الحلوات

وأشبهك بالورد وأنته أحلى جوريه

شكثر لاموني بيك وما جزت منك

لحد الموت أحبك وأحسبه أشويه

يا عيونك الحلوه امطوگات* بليل

وعلى الوجنه الفرح يلعب الچوبيه*

أضمك للصدر أتمنى لوبالطيف

ونسرح على الشواطي بليله گمريه

وأني العطشان گلبي وشفتك ينبوع

ما رايد ذهب كل طلبتي ..ميه

وتد حبك تجذر بيه من زمان

وأنت الي أصبحت لي الروح والريه*

تعيد .. الناس بعد صيام رمضان

وعيدي من يهل إهلالك ..عليه

أنزع ثوب حزنك لا تخلي الروح

تصبح من كلام الناس مسبيه

أفتح باب گلبك للمحب كل يوم

مضيف الحب كريم بكل معانيه

يا بستان المحبه شما جنوا منه

يظل زاهي أبخضاره أو.. اسع ب فيه

وديعه الروح يمك لا تعذبها

منك ترتجي تنطيها ..حنيه

نزعت أعيوني من جافيتني ساعه

وأنه متاني وصالك هم ألك جيه؟؟

تدلل أزعل شما تريد أطلب گول

عمري كله ألك أوله .. وتاليه

جمعت أوراق حبنا وشرحت قصتي

يم قاضي المحبه وگلت مگضيه

حكمني بالمؤبد وبسجن حبك

صحت تحيا العداله شما قست عليه


تفسير المعنى

*مترهي .. مرتاح
*مطوكات .. محاطه بطوق
* الجوبيه .. دبكة عراقية
*الرية .. الرئة

الوافي ,محمد المقاول ,السنونوه ,دموع القمر ,عشق معجبون بهذا

الموضوع الأصلي: قاضي المحبة || الكاتب: مهند الشاعر || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: مملكة منابر الشعر- الفصيح والعامي

---

rhqd hglpfm