((الغضب)) اهداءالى الملكة شهرزاد

قصيدة((الغضب))

بعدك ياعراق تمدد بطولك
وبعدهاالغيرة بينا وماتركناها

امس دخن جتافي وثلم دلالي
سمعت الحرة نادت للتنخاها

شمرتة اعكال راسي ومااردة اردود
الا يطيح حظة اللي تعداها

عراقيين احنة وراسنة مرفوع
نثاياكم ترة احنة الحميناها

وسترناكم وخلينة الطبك مسدود
لتحجونا بالشغلة السترناها

وعلى تالي الوكت بالحرة تندكون
ولدنا انتوا ترة بس احنة لفناها

نكص السانة اليفك حلكة يمنة
الياكل زادنة وينكر ملحنة
النأمنة ويمد ايدة بخرجنا
بالبسطال راسة يصير جواها

المايعرف كدرنة نعرفة كلش زين
ماننبلع عركة اكبار عشناها

رضعنة من زغرنة الدكة عاليندك
والروح بصف رصاص احنة فطمناها

شواربنا فخر مو لزك بالصالون
او لو ماننطي حكها جا مسحناها

يالحرة اسمعي ورفعي راسج فوك
النثايا المستج بالحذى دسناها

وراج الغيرة تفزع مو زلم كيبورد
ولجل عينج نشك حلوك معناها

واذا بالكعبة ختلوا والله ميخلصون
بنص الكعبة الشوارب سحلناها

بعدكم ماعرفتوا اليكسر خشوم
اذا صاحت الحرة اروح تفداها

بقلمي
عامرالعراااااقي

جنون العشق ,احاسيس صادقة ,محمد المقاول ,الوافي ,أنانا معجبون بهذا

الموضوع الأصلي: ((الغضب)) اهداءالى الملكة شهرزاد || الكاتب: الشاعرعامرالعراقي || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: شعر شعبي

---

((hgyqf)) hi]hxhgn hglg;m aiv.h]