نعسان فززني الزلف

نعسان فززني الزلف بأول شمس..
بجفوف نسمات الصبح بشفه كلش دافيه.
بحجاية وي ديرم عشگ
بس محترگ.
تقراه وي دكات الگلب
وطيش بيدة العافيه
وغطتني بجفوف ورسم
حنه وعطر..
قهوة صبح تزخ وفه من عيون كلش صافية. .
عصفور شفة على الحلگ
غرد لحن.
بمرود كحل طرز جفن
ورموش جانت حافية

غازلني وي طرة فجر ينثر عطر ينثر شكر. فرراني وي دورة خصر گعد
احلامي الجافيه...

رداني لايام الزغر من جنت اخلصه وي شعر. الليل اكتبه علئ الگمر بيدي على وجه القافيه..
وجاني حطبه بلا جمر بجه الگلب بجة الصبر. ورد بيه طف وي الامس وفزز النار الطافيه. ..
يادگه من ذاك الگلب كولي الصدگ.
احچلي هم طافج عشگ
لو بالعشگ متعافيه. .

ضوگ الفرح ياعني مو كافي الدمع.
وغير الدمع ياعني كولي شايفة ..

انسي المضه كليشي انطوه
راح وگضه
خلي روحي تركد بس تحط احلامي ذيج الطايفه. .

بقلم..
علاوي الشمري

الموضوع الأصلي: نعسان فززني الزلف || الكاتب: الشاعر طلال علي الشمري || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات الودق الأدبية - من قسم: مملكة منابر الشعر- الفصيح والعامي

---

kushk t..kd hg.gt