إفـتح شبابيك الهـوى جيتك اليوم
بإحساس من زود الوله عده يطير
جـيتك مثــل طفـــلن له أيام محروم
عـن حضـن أمـه أبعـــدتهـ المقــــادير
وجيتك مثل عودن له أيام مهمــوم
وده يــــلاقي بــأخــر الوقت تقديــر
وجيتك حضن عاشق وهايم ومغروم
وده يضمــك لــين تـصبح عــلى خــير
متى تحس إن الهـوى شــي مقسـوم
من قسمـة الخـالق على خلقه يصير
ومـتى تحــس إني لك أطيح وأقــوم
وأتعب على شانك وأقـدرك وآغـير
لي في هواك أحلام وأمــال وعـــلوم
وأحزاب وأصحاب وقصيد وجماهير
وهمــوم وأفكار وهــواجيس وحـلوم
ودروب وأخطار وعذاب ومشاوير
وحب وغلا وإخلاص ومعاند ولوم
وإحساس وإلهام وشعور وتفـاكـير
وصحبة سهــر ومقاطعـة لـذة الـنوم
وأشــواق جـياشـه وعشـق وتعابير
في ذمتــك مــابــان لك شي مكتوم
من بعد ماصورت الأوضاع تصوير
لاتحسب إنك شي عــابر ومعــدوم
وتـاريخ حبك فـاق كل الأســاطــير
في كل شي أتخيـلك وأسمعـك دوم
وأتأملك في الوقت الأول والآخـير
من مــاضي الأيـام لايـومـك الـيوم
وغــلاك عندي مـاحصـل فيه تغيير
وأنا لك الله ماأقبـل البيع والسـوم
ولا أرضى عـلي ولاعـليك المخاسير
لاْني الوحيد إللي على بحـرك يعـوم
وإللي عرف مرساه في رحلة السير
لحظـه حــبيبي قبـل يسبقـني النــوم
بضم صدرك لـين تصبح عـلى خــير
عضويتي 
افتح شبابيك الهوى
