بس اوعدك هفضل
الطير اللي في سماكي حر
وهفضل رغم البعد
لقلبك صاحب جدع
يا سنين اتعدت وعدت
كفوف الإيد
كام سنه ويا عالم
ايه اللي جاي في العمر
كام سنه ولسه الهوى
شباب وعنيد
ولسه نار الشوق جمر
ولسه وعد المحبه قايم
ولسه لايام اللقا
قلب الهوى صايم
ولسه نظرة عيوني بكر
رغم حبلها من دموع القهر
ياللي غيابك طول
وطال بعدك في ليلي العنا
ياريت اقدر في باقي
العمر واتحمل
بُعدِك ياللي فراقك
عذاب وضنا
وياريت اقد أَصَّبِر
قلبي اللي مل الصبر
بس اجمل شي في غيابك
لما تيجي علي بالي
اللي بقيتي ضله
تضحك عيوني
في دمعتها
وتضحك شرايين قلبي
في دقتها
وتضحك روحي
واصرخ
دي روحي اللي حبيتها
وحبها في قلبي
هو اللي فاضل له
في بواقي العمر
نفس اليوم من كل عام
اللي ينبت فيه زرعي
وتيجي تلمي محصولك
من ارضي البور
وقلبي الغيط
اللي بهواكي فيه ترعي
ولما ييجي الليل
هتلاقي حضني البيت
والاقي غيابك
هو السور اللي متهدش
مابين ارضي وبين القصر
يا ذكرى ميلاد الدنيا
في هوى روحي
طول السنه مجروح
ويومك ده دوا جروحي
لما الاقي ضحكتك طلت
وضيك انواره في السما هلت
ما انتي شمس صبحيتي
وفي ليلي قمرها
وعمري اللي ضلمه
بتستنى طلوع الفجر
كل الشكـــر لك على هاالطرح الأكثــر من رااائــــع ..~
يعطيييك العااافيه لا عدمنا هالتميييز والابدااع ,,~
بأنتظااار جديدك الجذاب ..~
ودي وعبير وردي لك..
عضويتي 
ياه يا سنين بتمر
