أسئل عـــن عراقك يا غـــــــــــريب أوطــان
لو طــــــــاح الســكَـف غـــــــير ابنه ليشيده
أنت هاجــــــــــــــــــــرت وهـــــذا يتبع ذاك
يعني شلون لو طاح وتمايل يا هـو اليسـنده
أنت الهاجرت يعـــني تـخــــاف الـمـــــــوت
ومــن المـــــــوت يحــضر تكَــــدر أتـــــرده
لو خفت المجاعة وخفت نقص أمـــــــــــوال
وعدنه آلاف تغفه أبلا عشه . وبحسرة تتغده
حـط أيــدك أبيــــدي وخــل نحــــــشم النـاس
الوطن محــــــــتاج ناس تعــينه بالــشـــــــدة
صح مرات أعـــــــــذرك والفــساد هــــواي
والجــــــاهل تسلــطن مـــحــــــد يـــــــــصده
يعني شــــــــــلون نسكت بس نعض أشـــفاه
والفـــــاســـد نعـــــوفه ما نـصـــــل حـــــــده
صح ضــــد الـــقـتل ومـنـــريد نســـــفـــك دم
بس قانـــون صــــــــــــارم نــكَـــدر نعـــــده
ويتحــــاسب الفــــاسد كان يا ما كــــــــــــان
وشــــريك وياه كـــلـــمــــــن جــان اله يسنده
العــــــراق جـــــــروحه نزفت يا هو ليداويه
أذا عافه الشـــــريف وطـــــول الــمــــــــدة
وطنه أحلى وطن ومحـــــــــــــــتاج للطيبين
ومحـتاج الكــفــاءة وناس ألترشــــــــــــــــده
وليرفض ندائك يا وطــــــــــن خــســــــران
يعني رضه ألغــــــــــــــــربه ولا جبينه أنده
لا تـتـرجــــــــه جيته لا بــعــد مــيــفــيـــــد
حطه أبصف عـــــــــــــــدوه الصَوت أبضده
عـــــــــــــذرا يا وطــــــــن ما أسمعك شتريد
علي الصوت. ها ! أنت عاذره وتناطر الرده
صْدك صَدرك رحب يا موطني ومــــعـــروف
وبابك عالعــــــــــــــدو ما تقبل أتســــــــــده
وصرت للناس ملجأ يشـــــهـــــــــــد التاريخ
وما مثلك وطــــــــــــــــن مـــهــيــوب لنعده
عضويتي 
للذين تغربوا عن العراق حصري
