قصة المطوع وأخوه الهواوي

قصة المطوع وأخوه الهواوي

السلام عليكم ورحمة الله وبركاته



فهذه قصة سمعتها وأعجبتني وقد يكون البعض قد سمعها وهي قصة الأخوين المطوع والهواوي


قيل أن فيه أثنين اخوان واحد مطوع وواحد قلبه خضر هواوي وراعي ولع وصيد وله خاله مطرفها عن البلد شوي ولها بنت مزيونه وهويان هو على بنتها ويخدم خالته ومعتني فيها وكلها عشان هالبنية هويان عليها على وضحى النقى على ماقيل .. والمطوع رجال دين ولا يطلع من المسجد الا بعد صلاة العشاء ولا جاء البيت يامار اخوه الصغير مجهز له العشاء وحدى الليالي يوم جوا الاخوان يتعشون قال المطوع لاخوه الصغير يافلان انا طالبك مطلوب قال الصغير تطلبني وانت اخوي واكبر مني ومطوع انت ماتطلب انت تامر امر قال ابيك تمسك المسجد مكاني لين اجي قاله وين تبي تروح ووش كثر تاخذ قال انا ابي اروح لمكة وابي احج ومواعد لي ربع والوعد بكره نمشي ان الله قسم ونبي نروح على بعارينا يبي لنا طريق شهر رايحين ونجلس بمكة شهر والرجعه شهر .... قال الهواوي ياخوي شلون امسك مكانك وانت خابرني راعي مقانيص وراعي ولع واخدم خالتي ولا اقدر اوفق بينهن قال المطوع ياخوك انا طالبك ولا تنقطع هالمصلحة اللي تجينا قال تدري امرح الليلة وبكره يصير خير اغدي اخوياك يجي لهم راي ولا يجون والا انت يبدي لك راي ولا تجي .. ويوم صلوا الفجر يامار اخوياه مبركين ركايبهم وجاهزين للمشى قام الامام بعد الصلاة وقال يالربع ياجماعة المسجد سامحوني وبايحوني انا حجاج قالوا الله يستر عليك الله يستر عليك مار من اللي بيصلي بنا قال اخوي فلان وهم خابرين فلان هواوي وطراد صيد قالوا الله يستر عليك ويردك لنا سالم


الوكاد ان خوينا الهواوي مسك المسجد وقعد يصلي بهم يوم يومين ثلاث يام كمل اسبوع وقامت تنشد عنه بنت خالته امها تقول وين فلان ماعاد له بينه لا يكون صاير له شي والا صادف له صادوف قالت العجوز انا بروح انشد عنه وهي تروح للديره وتنشد وين اليتمان يامن يعلمني عنهم يامن يخبرني عنهم قالوا نبشرك اليتمان طيبين وامورهم زينه واحد حج والثاني يصلي بالجماعة قالت اكيد فلان اللي حج قالوا لا والله المطوع اللي حج قالت اجل فلان يصلي بالجماعة قالوا الله الله قالت الله يهدي من يشاء من يهقى فلان يصير امام ..راحت وعلمت بنتها قالت البنت ماهقوتي ولا راح اصدق الا بعد ماااشوفه بعيني وبالفعل وهي تروح البنت للديره وقت صلاة العصر وتصير حول المسجد لين ماجاء متأخر شوي الامام وقال للمؤذن أقم وأقام المؤذن وتقدم بيصلي وهو يلتفت للجماعة وقال استووا ويوم جاء يلتفت بيقول اعتدلوا يامار هذي البنت قدام باب المسجد وهي تكشف عن وجهها عشان تبين له انها فلانه وهو كان بيقول اعتدلوا وقام يسحب هالابيات




تعدلـوا ياهـل القلـوب المواليـف

وصيروا ورى القراي خمسة صفوفي


احلف بربٍ حيـزم الغـرس باليـف

مرجع بصر يعقوب بعـد الكفوفـي


انـك منـاي بلابسـات المشانـيـف

واللي كـذب يالله عسـى مايشوفـي





اللــــــــه أكبــــــر


وهو يدخل بالصلاة ويصلي بهم ويوم سلم والتفت للجماعة مستحي من الشيبان والا ولد عمه واره قال فلان قال سم قال والله لك اسبوع مامثل صلاتك مار هاليوم دخلت حديث بين الاقامة وتكبيرة الاحرام انا طالبك الا تعيده ... قال لا لا يافلان هذا حديث اسناده ضعيف ضعيف جدا مايعاد واعفني من اسناده


وسلامتكم

شيلان معجب بهذا

الموضوع الأصلي: قصة المطوع وأخوه الهواوي || الكاتب: جنة الروح || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: قصص قصيرة

---

rwm hgl',u ,Ho,i hgi,h,d

انتقـــاء مميـــز ومجهود رائـــع
لاحرمنا الله جمآل عطآئك المُميّز
لك الشكر وطابت أيامك بكل خير

جنة الروح معجب بهذا

كل الشكر لك ولهذا المرور الجميل
الله يعطيكـ العافيه يارب
خالص مودتي لك

سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

شكرا على الطرح المميز
لا عدمنا روعة تواجدك
دمت لنا ودام تالقك الدائم
تقبل خالص تحياتي

؛/
راق لي ماقدمت من جمال
يعطيك العافية ودام هذا الأبداع
شكرا لك بحجم حضورك وحروفك
ارق التحايا واعطر الورد