عمرين ريح للشاعره اشواق العمري (تلاهيف)

#1 09-28-2021

السلام عليكم ورحمة الله وبركاته

اغيب اغيب وارجع
ادور فى الحروف احساس
اهج فى الفلا واهجع
واغيب وأنا وسط الناس
وليا حبيت للهوى اسمع
ادور تلاهيف حرفي الوناس

تلاهيف العمري
شاعره ما قرأت لها قصيده الا اجدني فى عالم آخر
قصيدة عمرين ريح ما امل منها مهما اعدت القراءه

" النص "

قدّريهم ياحسابات الجفا ( عُمرين ) رِيح !
والمسافة بيننا ( كلمة ) وصمتي فيلسوف !

إبتعدت بِ ( نَظرتي ) عنهم و إعرابي صحيح
ما أبد يِكسر يقيني الظّن وعيوني ( تشوف )!

من سراب آمالي الجردا ذريت الهم شيح
و أستقيت الصبر من ضِرع الجَمَاله والصُروف

عذر كل اللي أكّنّه ذنب كل اللي أبيح
يا مدوّر لهفتي والشوق من بين الكفوف

ناذره لكْ كل ( حرفٍ ) ورّد المعنى فصيح
لين تفهم في سبيل ( اللوم) ايام وظروف

ماحجبت الشمس عن عيني ولكّنك تشيح
عن هدب عيني سناها ، والحقايق في كسوف

طوّفت إذني كلام وكّذبت عيني صريح
جّرحت قلبي سهام و سطّرت بوحي حروف

كان لي قبلك ( فضاء ) وضاق بي بعدك ( فسيح)
عاد لي بعدك شتاء وملّت أركاني العُكوف

شدّني غير ( الشماته ) ليل وأصوات و فحيح
ردني عنكْ الحقيقه رُعب مِن شِكّة و خوف !

زدت بعدكْ ألف( لن ) وألف ( لمّ) والف ( ويح )
( ويح قلبي ) .. كم ترددّه الآماني والحسوف

(المساء ) اللي جمعنا بالفرح .. .. .. مدري ( ضريح )!
ماتعاقبه الهنى , إلا عفاريت و طيوف

وانت ياسيد تلاهيفي ويا نبضي الجريح
غّرك إني مِلت لك ميل النسايم للقطوف !؟

غرك أني في بعادك أحبس العَبره واصيح
غركْ أني م البدايه عاش (صمت ) ومات ( شوف)!

غركْ اني في الهوى ( لبيّيت ) وإسنادي صحيح
و إني ( أحبك) وعيني ترجمان بلا حلوف ؟

انت أول من يسابقني على ( الذِل ) وأطيح !
انت اول من يعارضني على الـحَق و أنوف

انت ماضي اللي وفاها حاضرٍ ما يستزيح
انت (وزر) اللي نقاها ماثلٍ فوق الوصوف !

لكْ بخاطر ( فرحتي بك) حلم ارديته ذبيح
لكْ بحاضر ( لهفتي لك) عِشق ما يفهم ظروف

صرت أرتّبني بدونكْ رفّ ( شوق ) و رّف ( ريح )
خفّت حمول الآماني زادت حمول الرفوف !

يانديمي ما لآخر ( دربنا ) من ( مستريح )
تعبت سنيني (خُطاها ) تعبت اقدامي الوقوف!

ما قدرت اغرس لي في ارضك من الآحلام ( شيح )
ذبلت أحلامي ( عناد ) ولا نفضّت الا الكفوف !

شعر: تلاهيف العمري